Mi de solito me cavo su dal leto la matina in quattroequattrotto, me lavo, me vesto e no fo neanca colassion che volo a laorar… ma ghe na roba che non me fo mai mancar mentre son sentado su la tazza a pensar all’infinito: la pagina del uolley de L’Arena.
Ogni mattina me svejo e penso: “chissà cosa ijavarà scritto stamattina Ballini & Co. sul fantastico mondo del uolley veronese”. Poareto Ballini, lù el proa a darne spazio e visibilità, ma ghé le solite dinamiche per cui la bala al volo no l’è mia uno sport che tira…beh odio…nol tira mia…ma quando ghe le done che suga me par che el tira anca massa…sarà merito dei pantaloncini mudanda…ci pol dirlo...ma jé tutti co i oci sbarè e la bava a la bocca…ma va ben cosita…
Comunque, stamattina verzo l’arenaonline, grazie a me pare che el me presta gli accessi e el se paga el canone, sant’uomo, e taco a sfogliar, par rivar al uolley. Oh, ghé mia vinti pagine de sport, de cui disdoto de balon, prima del uolley? Me son stracà solo a cercarla la pagina del uolley. Come el scrivea el mitico Silvino, “… lo sanno tutti che questa città preferisce el balón alla Cultura e che sono molti di più i veronesi che vanno allo stadio che quelli che vanno alle opere in Arena o ai concerti al Filarmonico (finché durano perché, andando avanti, si saranno sempre meno Radames e sempre più Ligabue…”.
Comunque, una volta catada, ghe do ‘na leta e come al solito resto ‘na scianta sbalinà. A parte che leso che Boninfante l’è el comandante e che al Cerea ghemo el capitan foresto, ma va ben, se vede che l’è forte a sé e la ghe ne sa a fiotte, ma scendo so da basso, all’articolo degli amici del Dual e no ghe capisso più un casso.
Ma come, Agricola domila, quel de le vacche e i tori, quel che no’l vol più darghe schei a Isola parché l’è stufo, el sponsorizza el Dual? Par carità, tanto mejo par el me amigo Spring e i so colleghi, ma no me cato mia con i ragionamenti e quel che se sente contar par la provincia.
Me spiego mejo, forse: praticamente la B2 del Pastificio Avesani, che da quel che se sente in giro la gà qualche debito de qua e de là, l’ha serà baracca e burattini parché no la ghe stasea più drio coi schei da un par de anni. El meinsponsor dei tortelini alora l’è andà a Isola, dove sembra che ghe paga il cotto e anca el cruo. Ma come, a Quaderni no ghe stemo drio e a Isola femo i numeri? Bah, mejo par el me amigo Bambu, a cui auguro ogni bene.
Nel frattempo Agricola, che no ghe n’avea più oja, l’è andà a Dossobuono, infatti la serie C la ciapa el nome, quindi l’è main sponsor, insieme al Mexì. Beh al Mexì ghe credo, parché solo mi go lassà so tanti de quei schei da dies’anni a sta parte…
Insomma, al uolley me par ‘na sbailà de puntate de Biutiful, dove peraltro anca lì no ghe capisso più ‘na eva…ma basta che de domanda al me amigo Sinda, che el le varda da 38 annni a sta parte e el me aggiorna subito. Ma par el uolley a ci ghe domando? No se sà...
Nel frattempo, mi taso, ghe corro drio a quei quattro sponsor che i me rimanda i pagamenti e seito a lesar la pagina del uolley e a scrivar casade sul blog…parchè lo so che ve piace darghe ‘na leta…a tutti…però ricordemose ‘na roba: "Schersando schersando, Bartoldo el s’a confessà".
Sa disito Olga? Che peste vi colga?
