«L’è da sabo sera, el giorno de la promosion in B2» scrive la Olga «che el Presidentissimo no la finisse de ammirar le mute da gara che el ga ne l’armadio del Fresko che secondo mi el voria sugarghe altre diese stagioni. E poi el seita a metarse indosso maje del Fresko, quele da alenamento, par celebrar el momento magico "Càvetela che te spusi, le sa ancora da sudor de allenamento" ghe dìgo quando siamo in tola", tanto più che le maje che el se mete le dovaria esser giale o ransoni e invece le tende al grisio, tanto che jé slise oramai. "Sì, che sudo" mi risponde "ma no l'è gnente in confronto a quel che ià sudà i zugadóri per nar in B2". "Va ben, tièntele indosso" ghe digo mi ", ma che no te vegna in mente de vegnérme vissìn parché te me fè schifo solo a védarte"». «L'unico momento in cui se la cava è quando el sa fato la docia, ma anca lì l'ho visto andar al cesso par cavarse so a l’utimo secondo e gò dito "Possooooo, càvetela prima de nar in docia" e lu a dirme che "No sta preoccuparte, m’è bastà la docia da vestio da sabo sera, che se dovea parar dentro el mister e invese che son finio drentro anca mi, ma vabbé, cassi noi, l’era tutta ‘na festa".
« Ancò invece me telefona el Cece dal Camping Maria del Pai, sul lago, dove el gà 'na piassa d’armi in affitto tutta istà con la Erika, che quando se pol, se va su a respirar un po' de aria bona, de quela lacustre» continua a scrivere la Olga. «par farme i complimenti par l’impresa titanica. “L'era 'na bela giornada, la prima dopo ‘na setimana de pióa" el me dise». «Lo so - lo interrompo - noaltri semo andà a sugar solo parché g’era ‘na sfransa de sol, altrimenti staseimo in leto. "Veramente - el continua lu seguendo el so discorso – i me compagni de Montorio i volea nar a vedar i padoani, che i dise essar dei fenomeni, ma mi gò dito: Erika, co' la giornada che gh'è, te te sito desmentegà che ghemo la cena coi butei a casa nostra? E, pur malvolentieri, m’è tocà star a casa e no vedar la partia”». «“Ma ‘na telefonada de congratulassioni te le fo, diaolo becco, ghe mancaria altro" el m’ha dito. “Ghe n’emo viste de cotte e de crue lo scorso anno, ma avì continuà un bel laoro e avì portà la ragione da la vostra"». «El me Posso quasi el pianzéa, ‘na olta ancora. “Guarda el laoro l’è tanto, i sacrifici no i contemo gneanca più, ora finalmente è arrivato un frutto succoso e dolce dall’albero del sacrificio, albero che t'è piantà e innafiado ancà ti a so tempo. La to telefonada, fra le tante, amico Cece l’è una de le più gradite, parché la sento sincera e dopo la scorsa stagion la ghe olea proprio. Te ringrassio de cuore, te si un signor". Semo in Italia – al me risponde - dove par i pecati veniài gh'è la forca e par quei mortài gh'è l'indulgensa plenaria. Ma ne l’amicissia le telfonate nei momenti importanti no le gà mia valor».
Anca el Cece el resta sempre un gran bel cavallino de rassa. Ora vojo proprio vedar ci me scrive, andoe el scrive e cosa el se inventa, legendo questo post e sentendo la so coda de paja che ciapa fogo!!!
Sa disito Olga? Che peste vi colga?
Nessun commento:
Posta un commento